Թովմասյան Կարինա

Որ հայացք ես ինձ տըվել վերամբարձ՝ Սուզվելու վերին սահմաններն արփի, Որ միտք ես տըվել երկնաճեմ ու բաց՝ Չափելու ահեղ բացերն անչափի, Որ կապել ես մեզ, հոգիս քեզ արել՝ Հոգուս անհունի հըրճվանքը տալով, Բարձըր ճակատիս ժըպիտ ես վառել, Վառել, զարդարել արփենի փայլով, Անթարթափ աչքով, անխարխափ հոգով Կարդում եմ քո վեհ ազդումներն անվերջ, Կարդում եմ պայծառ, ուրախ ցերեկով, Ու գիշերները ահավոր ու պերճ: Ու վերանում է հոգիս զըվարթուն — Չըկա մոտ ու տար, չըկա վեր ու ցած, Տիեզերքն ամբողջ հայրենիք ու տուն, Ու ես մի ազատ՝ անտարբեր աստված:Վեր է կացել հին վիշապը նոր թափով, Վեր է կացել վերջին մոլի տագնապով, Արյունըռուշտ, ոճիրներով ահավոր Մահ է շընչում լէռներն ի վեր ալևոր: Ու նրա դեմ ելած անզուսպ, անսահման, Հորձանք տալով ամեն կողմից՝ հայության Հին–հին հույսերն ու հուզմունքը դարավոր Ծառս են լինում լեռներն ի վեր ալևոր: Ծառս են լինում քաջ խմբերով անձնվեր, Ծառս են լինում տանջվողներով կիսամեռ, Ծառս են լինում անընկճելի ու արի Մինչև ճերմակ գլուխները լեռների: Ու լեռները պառավ մոր պես ...